Իսրայելում զարգացումների հետևանքով տուժածների շրջանում հայերի առկայության մասին տեղեկություններ այս պահին չկան: Այս մասին տեղեկացրել է ՀՀ ԱԳՆ մամուլի խոսնակ Անի Բադալյանը:
«ՀՀ ԱԳՆ, Իսրայելում դեսպանության միջոցով, մշտական կապի մեջ է տեղի իշխանությունների, հայկական կազմակերպությունների և անհատների հետ:
Ըստ անհրաժեշտության, կտրամադրենք լրացուցիչ տեղեկատվություն»,- ասված է մամուլի խոսնակի Ֆեյսբուքի գրառման մեջ:
Հիշեցնենք՝ Իսրայելի բանակը պաշտոնապես հայտարարել է Գազայի հատվածում «Երկաթե թրեր» գործողության մեկնարկի մասին:
Պաշտպանության նախարար Յոավ Գալանտը նշել է, որ պաղեստինյան ՀԱՄԱՍ շարժումը պատերազմ է հայտարարել իր երկրին: Ավելի վաղ նա կարգադրել էր անվտանգության ոլորտում հատուկ դրություն մտցնել երկրի կենտրոնական և հարավային հատվածներում: