Սիսիան-Քաջարան հատվածում կկառուցվի 4,7 կմ երկարությամբ 27 կամուրջ և 12,5 կմ երկարությամբ 9 թունել

Հյուսիս-հարավ ճանապարհային միջանցքի ներդրումային ծրագրի շրջանակում ունենք Սիսիան-Քաջարան հատված՝ շուրջ 60 կմ, որտեղ նախատեսված է 4,7 կմ երկարությամբ 27 կամուրջ կառուցել, 12,5 կմ երկարությամբ 9 թունել, որոնցից մեկը կլինի ամենաերկարը՝ 8,6 կմ: Այս ճանապարհահատվածի կառուցումը կբերի նրան, որ գործող ճանապարհը կկրճատվի 54 կմ-ով, որն էլ 1,5-2 ժամով կկրճատի իր ժամանակահատվածը: Հիմա 50 կմ/ժ է միջին արագությունը, կդառնա 100 կմ/ժ: Այդ մասին Կառավարության՝ նոյեմբերի 7-ի նիստին ասաց ՀՀ տարածքային կառավարման և ենթակառուցվածքների նախարար Գնել Սանոսյանը։

Այս ճանապարհը կառուցելիս, ըստ նախարարի, առաջին անգամ Հայաստանում կկիրառվեն կանաչ կամուրջներ, որոնք կապահովեն կենդանիների միգրացիոն անխափան հոսքերը:

«Ծրագիրը 3 մասից է բաղկացած. հյուսիսային հատված՝ 27 կմ, հարավային հատված՝ 24,2, Բարբուշատի թունել՝ 8,6 կմ:

Ծրագրի շրջանակներում արդեն ամիսներ առաջ նման որոշում կայացրել ենք, հավանություն տվել ենք, և Վերակառուցման և զարգացման եվրոպական բանկի հետ 236 մլն եվրոյի համաձայնագիրը կնքվել է, և հիմա ԱԺ-ում է: Սա երկրորդն է մյուս գործընկերոջ հետ՝ Եվրոպական ներդրումային բանկի. նորից 236 դոլարի մասին է խոսքը:

Նաև ունենք երրորդ գործընկերը՝ Ասիական զարգացման բանկը, որի հետ [գործընթացն] ընթացքի մեջ է, և առաջիկա ամիսներին նույն պրոցեսով կանցնենք:

Ընդհանուր վարկային մասը կկազմի 708 մլն եվրո, իսկ Կառավարության մասնաբաժինը՝ 150 մլն եվրո»,- ասաց նախարարը:

ԵՄ գործընկերների հետ քննարկվում է նաև ծրագրի դրամաշնորհային մասը: Ըստ Սանոսյանի՝ նախատեսվում է մինչև 2031 թվականն իրականացնել շինարարություն, իսկ ընդհանուր ծրագրի ավարտը 2033 թվականն է:

Երկ	Երք	Չրք	ՀՆԳ	ՈՒՐ	ՇԲԹ	Կիր
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Իսրայելի կառավարությունը կքննարկի Հայոց ցեղասպանության ճանաչման մասին բանաձևը

ՄԱԿ-ը դադարեցրել է նավերի ուղեկցումը Հորմուզի նեղուցով. Reuters

ՍԴ-ում ԱԺ ընտրությունների արդյունքները վիճարկող գործի քննությանը քաղաքական…

Ալխաս Ղազարյանն առաջադրվել է ԱԺ փոխնախագահի թեկնածության համար

Քաղաքական որոշումը կայացված է, շոյված եմ արդյունքից․ Ռուբինյանը՝…

Իսրայելի կառավարությունը կքննարկի Հայոց ցեղասպանության ճանաչման մասին բանաձևը

ՄԱԿ-ը դադարեցրել է նավերի ուղեկցումը Հորմուզի նեղուցով. Reuters

ՍԴ-ում ԱԺ ընտրությունների արդյունքները վիճարկող գործի քննությանը քաղաքական…

Ալխաս Ղազարյանն առաջադրվել է ԱԺ փոխնախագահի թեկնածության համար

Քաղաքական որոշումը կայացված է, շոյված եմ արդյունքից․ Ռուբինյանը՝…

Սիսիան-Քաջարան հատվածում կկառուցվի 4,7 կմ երկարությամբ 27 կամուրջ և 12,5 կմ երկարությամբ 9 թունել

Կառավարության նիստ | ՈՒՂԻՂ

Մի շարք մասնագիտական աշխատանքների կատարում և ծառայությունների մատուցում կտեղափոխվի հարկման ընդհանուր համակարգ

ՆՄԱՆԱՏԻՊ ՀՈԴՎԱԾՆԵՐ