Խաղաղապահները մեկ շաբաթ առաջ կողմերին առաջարկել էին հանել դիրքերը Փառուխից և ասել՝ ոչ մի խնդիր չի լինի․ Սամվել Բաբայան

Աննա Կոստանյան 25.03.2022 - 14:41
25.03.2022 - 14:41 դիտում

Ռուսական կողմի միջնորդությամբ հայկական և ադրբեջանական կողմերըմեկ շաբաթ առաջ հանել էին դիրքերը Փառուխ գյուղից։ Այս մասին լրագրողների հետ զրույցում ասաց Արցախի Անվտանգության խորհրդի նախկին քարտուղար Սամվել Բաբայանը։
«Հանել են, բայց հետո պարզվել է, որ ադրբեջանցիները եկել են այնտեղ նստել, հիմա էլ ռուսական կողմը գնացել է, որ այդ հարցերը կարգավորի, ընդհանրապես բնագիծ գոյություն չունի և բազմաթիվ տեղերում, ոչ միայն այդտեղ»։
Բաբայանը նշեց, որ դիրքերը երկու կողմերը հանել են մոտ մեկ շաբաթ առաջ, իսկ առաջարկը եղել է ռուսական կողմինը։
«Երբ Խրամորթում խնդիրներ եղան, ռուսական կողմը առաջարկեց, որ այդտեղից և՛ հայկական, և՛ ադրբեջանական կողմը հանի դիրքերը և ոչ մի խնդիր չի լինի»,- Tert.am-ի փոխանցմամբ, ասել է Սամվել Բաբայանը։

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ