Հունաստանի Հերակլիոն քաղաքում այսօր մեկնարկել է ծանրամարտի աշխարհի երիտասարդների առաջնությունը:
Մրցումային առաջին օրը Հայաստանի ներկայացուցիչներից պայքարը սկսել է 55 կգ քաշային Գառնիկ Չոլակյանը և չեմպիոն հռչակվել:
Պոկում վարժությունում Չոլակյանը նախ՝ բարձրացրել է 100, ապա 104 և 108 կգ կշռող ծանրաձողերը և փոքր ոսկե մեդալ նվաճել:
Հրում վարժությունում էլ նա նախ՝ գլխավերևում է պահել 125 կգ, ապա՝ 130 և 132 կգ կշռող ծանրաձողերը: Հայ ծանրորդը հաջող է կատարել բոլոր 6 մոտեցումները և երկամարտի 240 կգ արդյունքով կանգնել պատվո հարթակի առաջին աստիճանին:
Հիշեցնենք՝ Հայաստանի երիտասարդական հավաքականի կազմում մրցավայր է մեկնել ևս 8 ծանրորդ՝ Անդրանիկ Պապեյանը (61 կգ), Գոռ Սահակյանը (67 կգ), Մնացական Աբրահամյանը (81 կգ), Սուրեն Գրիգորյանը, Գևորգ Ղահրամանյանը (երկուսն էլ՝ 89 կգ), Գարիկ Կարապետյանը (96 կգ), Պետրոս Պետրոսյանը (102 կգ) և Միլենա Խաչատրյանը (76 կգ):
🏋️Ծանրորդ Գառնիկ Չոլակյանը դարձել է երիտասարդների աշխարհի առաջնության հաղթող
✅🥇Հունաստանի Հերակլիոն քաղաքում այսօր…
Опубликовано ՀՀ կրթության, գիտության, մշակույթի և սպորտի նախարարություն Понедельник, 2 мая 2022 г.
