Մոսկվայի Պրեսնենսկի շրջանի դատարանը Google ընկերությանը տուգանել է ավելի քան չորս միլիարդ ռուբլով՝ նախկինում սահմանված տուգանքը չվճարելու համար։ Այս մասին հայտնում է ՏԱՍՍ-ը՝ հղում անելով Դաշնային հակամենաշնորհային ծառայությանը։
Ընկերությունը լրացուցիչ պետք է վճարի ավելի քան չորս միլիարդ ռուբլի Ռուսաստանի Դաշնության բյուջե։
2022 թվականի հուլիսին Դաշնային հակամենաշնորհային ծառայությունը Google-ին տուգանել էր երկու միլիարդ ռուբլով։ Տուգանքի պատճառ են դարձել անթափանց և կողմնակալ կանոնները՝ հաշիվների արգելափակման և YouTube վիդեոհոսթինգի բովանդակության հետ աշխատելու համար: Ծառայությունից պարզաբանել են նաև, որ ընկերությունը պետք է այդ գումարը վճարի տուգանք նշանակող փաստաթղթի ուժի մեջ մտնելու օրվանից երկամսյա ժամկետում։
