Վյաչեսլավ Վոլոդինը հայտարարել է, որ այն ռելոկանտները, որոնք քննադատել են Ռուսաստանը և աջակցել «ոչ բարեկամական երկրներին», վերադարձից հետո չպետք է ակնկալեն ջերմ ընդունելություն։
ՌԴ Պետական դումաի խոսնակը զգուշացրել է այն քաղաքացիներին, որոնք լքել էին երկիրը Ուկրաինայում ռազմական գործողությունների մեկնարկից հետո, որ վերադարձի դեպքում նրանց կարող է սպասել իրավական պատասխանատվություն։
«Ինչ վերաբերում է նրանց, ովքեր հեռացել են, վիրավորել մեր պաշտպաններին, վնաս հասցրել պետությանը՝ օգնելով ոչ բարեկամական երկրներին և ֆինանսավորելով Ուկրաինայի զինված ուժերը, ապա նման մարդկանց, իհարկե, սպասում է դատական քննություն, և իրավապահ մարմինները միանշանակ կարձագանքեն նման կեղծ քաղաքացիների վերադարձին»,- հայտարարել է Վյաչեսլավ Վոլոդինը։
Ավելի վաղ նա նաև առաջարկել էր պետական կորպորացիաներին, ինչպես նաև դաշնային և տեղական իշխանություններին աշխատանքի չընդունել Ռուսաստան վերադարձած ռելոկանտներին։