7.6 մլրդ դրամ՝ ՀՀ-ում 51.1 կմ ավտոճանապարհ հիմնանորոգելու համար

Աստղիկ Խաչատրյան 27.08.2021 - 12:20
27.08.2021 - 12:20 դիտում

Կառավարությունն այսօրվա նիստում 7.6 մլրդ դրամ հատկացրեց 51.1 կմ ավտոճանապարհ հիմնանորոգելու համար, որից միջպետական նշանակության ավտոճանապարհներ՝ 37.3 կմ, հանրապետական նշանակության ավտոճանապարհներ՝ 13.8 կմ:

«Նախագծի ընդունումը պայմանավորված է 2021 թվականի համար նախատեսված 6 ճանապարհահատվածների հիմնանորոգման աշխատանքների իրականացման անհրաժեշտությամբ»,- ասաց ՀՀ տարածքային կառավարման և ենթակառուցվածքների նախարար Գնել Սանոսյանը:

ՀՀ վարչապետ Նիկոլ Փաշինյանն էլ հիշեցրեց, որ կառավարությունը տարեկան 500 կմ նորոգված ճանապարհի խնդիր է դրել:

«Երբ 2019 թվականին մենք տարեկան 500 կմ-ի նշաձողը դրել ենք, մենք այդտեղ չենք հաշվառել «Հյուսիս-հարավում» կատարվող աշխատանքները և սուբվենցիաներով կատարվող աշխատանքները, այնպես որ իրական աշխատանքը 500 կմ-ից ավելի է»,- ասաց վարչապետը:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ