Վլադիվոստոկում ավտոբուսի վարորդ Ռուբեն Մնոյանը մեքենայից դուրս է նետել մի խումբ երիտասարդների, ովքեր իրենց ագրեսիվ են պահել, հայտնում է «Вести-Приморие» թերթը։
Շաբաթ երեկոյան Վլադիվոստոկի ավտոբուսում տեղի ունեցած ծեծկռտուքի տեսանյութը այժմ ուսումնասիրում են ոստիկանությունն ու քաղաքի տրանսպորտի վարչությունը։
Միջադեպի տեսաձայնագրությունը սոցիալական ցանցերում հավաքել է ավելի քան 300 հազար դիտում։
Ըստ տուժածների՝ «վարորդը նրանց մեղադրել է համասեռամոլության մեջ և դուրս արել»: Սակայն վարորդը «Вести-Приморие»-ին պատմել է իր վարկածը։ Սեմենովսկայայում՝ վերջին կանգառում, ուշ ժամի վարորդը, որն այդ պահին դրսում է եղել, նկատել է, որ ուղևորները ավտոբուսից փախչում են. «Մտնում եմ, տեսնում եմ՝ մեկը պառկած է այստեղ, երկուսն այստեղ են նստած։ Նրանք ծիծաղում են այնպիսի անհասկանալի ձայնով, առաջին անգամ էի նման ձայն լսում։ Մոտեցա, ասում եմ՝ հանգստացիր, դու հասարակական տրանսպորտում ես։ Նա վեր է կենում` փորձելով գլխով հարվածել ինձ: Բնականաբար, երբ նա հարվածեց ինձ, ինչ մնաց, որ անեի»,- պատմել է Մնոյանը։
Ծեծկռտուքը նկարահանվել է ոչ միայն ականատեսների, այլեւ տեսանկարահանող սարքերի կողմից, որոնք ցույց են տալիս ոչ միայն «ընտրված» կադրերը, այլ ողջ ծեծկռտուքը։ Տեսանելի է նաև վարորդի վրա ուղևորի հարձակման երկրորդ փորձը՝ ճոճվող քայլվածք, մշուշոտ հայացք և այն, թե ինչպես են նրան դուրս բերում ուղեւորները։
Մանրամասները՝ տեսանյութում:
