«Ռոսսելխոզնադզորը» դեկտեմբերի 14-ից արգելք է դնում Հայաստանի Արմավիրի մարզից լոլիկի և պղպեղի ներմուծման վրա:
РИА Новости-ի փոխանցմամբ՝ նման որոշում կայացվել է այն բանից հետո, երբ հայտնաբերվել է պեպինո խճանկարային վիրուսով ապրանք:
««Ռոսսելխոզնադզորը» անհրաժեշտ է համարում 2020թ. դեկտեմբերի 14-ից արգելել Հայաստանի Հանրապետության Արմավիրի մարզից արտահանվող/կամ այնտեղ արտադրվող լոլիկի և պղպեղի մուտքը Ռուսաստան՝ ՌԴ տարածքում պեպինո խճանկարային վիրուսի տարածումը կանխելու համար: Այդ մարզից նախկինում ներմուծվել է վարակված բանջարեղեն»,- նշված է հաղորդագրության մեջ:
