Ռուսական ավիացիան օդային գերակայություն է հաստատել Ուկրաինայի ամբողջ տարածքում: Այս մասին հայտարարել է ՊՆ պաշտոնական ներկայացուցիչ, գեներալ-մայոր Իգոր Կոնաշենկովը ճեպազրույցի ընթացքում:
Ռուսական ստորաբաժանումները հատուկ գործողության ընթացքում վերահսկողության տակ են վերցրել Բերդյանսկ և Էներգոդար քաղաքները, ինչպես նաև վերահսկում են Զապորոժիեի ատոմակայանի շրջակայքը:
ՌԴ ՊՆ հատուկ ներկայացուցչի խոսքով՝ բոլոր քաղաքացիական անձինք կարող են ազատ լքել Ուկրաինայի մայրաքաղաքը Կիև-Վասիլկով մայրուղով։ Այս ուղղությունը բաց է և անվտանգ:
ՌԴ ՊՆ-ն հայտնում է նաև, որ երկրի զինված ուժերը գործողության սկզբից ի վեր հարվածներ են հասցրել Ուկրաինայի ռազմական ենթակառուցվածքի 1114 օբյեկտի: Դրանցից 31-ը Ուկրաինայի զինված ուժերի կառավարման և կապի կենտրոներ են։ Ոչնչացվել է 314 տանկ և այլ մարտական զրահամեքենաներ, 57 հրթիռահրետանային կայանք, 121 դաշտային հրետանի և ականանետ, 274 միավոր հատուկ ռազմական մեքենա։
