ՆԱՏՕ-ի անդամ մի քանի երկրի ռազմածովային ուժերը Հեռավոր Հյուսիսում գործողություն կանցկացնեն` տարածաշրջանում նավիգացիայի ազատությանն իրենց հավատարմությունը ցույց տալու համար: Այս մասին գրում է «ՌԻԱ Նովոստի» գործակալությունը` հղում տալով Մեծ Բրիտանիայի ռազմածովային ուժերի տարածած հաղորդագրությանը:
Նշվում է, որ բրիտանական հրամանատարության ներքո անցկացվելիք գործողությանը կմասնակցեն Միացյալ թագավորության 23 Sutherland տեսակի ֆրեգատ, Tidespring տեսակի լցանավ, ԱՄՆ-ի ռազմածովային ուժերի «Արլի Բերկ» տեսակի էսկադրային ականակիր և նորվեգական Thor Heyerdahl ֆրեգատը` դանիական ինքնաթիռի ուղեկցությամբ:
«Մեծ Բրիտանիան, ԱՄՆ-ն, Դանիան և Նորվեգիան համագործակցում են Հեռավոր Հյուսիսում մեր պատրաստությունը բարելավելու, ինչպես նաև տարածաշրջանում կայունության ամրապնդման նպատակով, ինչը կենսական նշանակություն ունի Մեծ Բրիտանիայի շահերի համար»,-ասված է բրիտանական նավատորմի հայտարարությունում:
Գործողությունը կդառնա Միացյալ Թագավորության և Միացյալ Նահանգների մայիսյան գործողությունների շարունակությունը, որոնց ընթացքում բրիտանական Kent ֆրեգատը տեղակայվել էր Բարենցի ծովում:
