ՄԱԿ-ի ԱԽ-ում Ռուսաստանն արգելափակել է Ուկրաինայում իր գործողությունը դատապարտող բանաձևը

26.02.2022 - 13:48 դիտում

Ռուսաստանն օգտվել է ՄԱԿ-ի Անվտանգության խորհրդում վետոյի իր իրավունքից և արգելափակել մի խումբ երկրների ներկայացրած բանաձևը, որը դատապարտում էր Ուկրաինայում ՌԴ-ի հատուկ ռազմական գործողությունը:

Բանաձևի նախագծին կողմ են քվեարկել ՄԱԿ-ի ԱԽ 11 անդամներ: Չինաստանը, Հնդկաստանը և ԱՄԷ-ն ձեռնպահ են մնացել քվեարկությունից:

Փաստաթղթում նշվում է, որ Ռուսաստանի գործողությունները խախտում են ՄԱԿ-ի Կանոնադրությունը: Նախագծի հեղինակները ՌԴ-ից պահանջել են անհապաղ դադարեցնել ուժի կիրառումն Ուկրաինայի դեմ և այնտեղից դուրս բերել բոլոր զորքերը: Բացի այդ, հեղինակները դատապարտել են նաև Ռուսաստանի կողմից Դոնեցկի և Լուգանսկի ճանաչումը և պահանջել հրաժարվել այդ որոշումից:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ