ՀՀ «Դատական օրենսգիրք» սահմանադրական օրենքի 84-րդ հոդվածի համաձայն՝ այսօր՝ հոկտեմբերի 7-ին, ՀՀ Բարձրագույն դատական խորհրդում տեղի է ունեցել գաղտնի քվեարկություն, որի արդյունքներով ԲԴԽ նախագահ է ընտրվել Խորհրդի նորընտիր գիտնական անդամ Կարեն Անդրեասյանը:
Այս մասին տեղեկացնում է ԲԴԽ մամուլի խոսնակ Լիլիթ Շաբոյանը:
Հիշեցնենք՝ Կարեն Անդրեասյանն ու Երանուհի Թումանյանցը երեկ ընտրվել են ԲԴԽ անդամներ:
Անդրեասյանի թեկնածությունն առաջադրել և նրան ընտրել է կառավարող «Քաղաքացիական պայմանագիր» խմբակցությունը:
Ավելի վաղ ՀՀ նախագահի հրամանագրով Կարեն Անդրեասյանն ազատվել էր ՀՀ արդարադատության նախարարի պաշտոնից:
