Ռուսաստանի Դաշնության Պետական դուման ընդունել է Դոնեցկի և Լուգանսկի Ժողովրդական Հանրապետությունների ճանաչման անհրաժեշտության մասին դիմումն անհապաղ ՌԴ նախագահին ուղարկելու մասին բանաձևը: Կոմունիստական կուսակցության առաջարկած նախագծին կողմ է քվեարկել 351 պատգամավոր:
«Պատգամավորները կարծում են, որ Դոնեցկի և Լուգանսկի ճանաչումը հիմքեր կստեղծի անվտանգության երաշխիքների ապահովման, հանրապետությունների բնակիչներին արտաքին սպառնալիքներից պաշտպանելու, ինչպես նաև միջազգային խաղաղության և տարածաշրջանային կայունության ամրապնդման համար»,- ընդգծել է ՌԴ խորհրդարանի ստորին պալատի խոսնակ Վյաչեսլավ Վոլոդինը:
Նրա խոսքով՝ Արևմուտքը սրում է լարվածությունը, Ուկրաինային սպառազինություն է մատակարարում, իսկ Կիևը շարունակում է չպահպանել Մինսկի համաձայնությունները: Պետդումայի խոսնակը նշել է, որ դա վտանգներ է ստեղծում Ռուսաստանի քաղաքացիների և հայրենակիցների կյանքի համար:
