Գյումրու ազատ ոճի ըմբշամարտի մարզադպրոցում կրկին մարզումային եռուզեռ է: Տեւական ժամանակ, պայմանավորված համաճարակով, ըմբիշները ստիպված էին այլընտրանքային տարբերակներ գտնել մարզվելու համար: Գրաֆիկից փորձում էին հետ չընկնել՝ մարզվելով դրսում, մասնավորապես, քաղաքի կենտրոնական այգում: Ոչ վաղ անցյալում սաներից շատերը գուցե ծանր չտանեին հանգամանքը, սակայն դպրոցի վերանորոգումից հետո կրկնակի կարոտով էին սպասում գորգային մարզումներին: Այսօր մոտ 250 սան ունեն, հոսքը դեպի բարեկարգված մարզադպրոց ավելացել է: