Անահիտ Ավանեսյանն աշխատանքային այց է կատարել բուժհիմնարկներ

Աննա Կոստանյան 5.05.2021 - 17:04
5.05.2021 - 17:04 դիտում

Հանրապետությունում մեկնարկել են կորոնավիրուսային հիվանդության դեմ պատվաստումները՝ տեղեկացնում են ՀՀ առողջապահության նախարարությունից:

Կարևորելով պատվաստումային գործընթացը` առողջապահության նախարարի պաշտոնակատար Անահիտ Ավանեսյանը շարունակում է աշխատանքային այցերն առողջության առաջնային պահպանման կազմակերպություններ:

Այս անգամ նախարարի պաշտոնակատարը հանդիպել է ՀՀ ԱՆ «Սուրբ Գրիգոր Լուսավորիչ» բժշկական կենտրոնի պոլիկլինիկայի աշխատակիցների հետ, եղել է նաև քաղաքապետարանի ենթակայության թիվ 17 պոլիկլինիկայում:

Անահիտ Ավանեսյանը հետաքրքրվել է կորոնավիրուսային հիվանդության դեմ պատվաստումային գործընթացի հաջողություններով, լսել խնդիրներն ու ծանոթացել իրավիճակին:

Հարկ է նշել, որ վերջին օրերին պատվաստումային գործընթացը բավականին ակտիվացել է թե՛ մայրաքաղաքում, թե՛ մարզերում:

Հաջորդիվ նախարարի այցեր են կազմակերպվելու նաև մարզային այլ պոլիկլինիկաներ՝ տեղեկացնում են նախարարությունից:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ