ԵՄ-ն իր պատժամիջոցների ցանկում ներառել է «Ռուսոֆիլների միջազգային շարժումը»՝ ասվում է ԵՄ պաշտոնական տեղեկագրում հրապարակված փաստաթղթում։ Նշված է, որ այն խթանում է «հակաարևմտյան տրամադրությունները», ինչպես նաև «սերտ կապեր ունի Ռուսաստանի արտաքին գործերի նախարարության հետ»:
ԵՄ-ի պաշտոնական տեղեկագրում հրապարակված փաստաթղթի համաձայն՝ Եվրամիությունը Ռուսաստանի դեմ պատժամիջոցների ցանկում ներառել է ԱՄԷ-ի երկու և Վիետնամի մեկ նավագնացության ընկերության։
Փաստաթղթում նշված է, որ ընկերությունները ներգրավված են ռուսական էներգակիրների փոխադրման գործում։
ԵՄ-ի պատժամիջոցների ցանկում են հայտնվել նաև ռուսաստանցի լրագրողներ ու վերլուծաբաններ: Նրանց թվում են Ռուսաստանի միջազգային հարաբերությունների խորհրդի գլխավոր տնօրեն Իվան Տիմոֆեևը, «Վալդայ» միջազգային քննարկումների ակումբի գիտական գծով տնօրեն Ֆյոդոր Լուկյանովը, «Վալդայ» ակումբի փորձագետ Դմիտրի Սուսլովը և «Վալդայ» ակումբի զարգացման և աջակցության հիմնադրամի խորհրդի նախագահ Անդրեյ Բիստրիցկին: