Վրաստանի նախագահ Միխեիլ Կավելաշվիլին հանդիպել է Հայաստանի արտաքին գործերի նախարար Արարատ Միրզոյանի հետ` հաղորդում են վրացական լրատվամիջոցները։
Հանդիպման ընթացքում կողմերը քննարկել են առկա քաղաքական, տնտեսական, մշակութային և կրթական հարաբերություններն ու երկկողմ համագործակցության հեռանկարները։
Վրաստանը ողջունել է Հայաստանի և Ադրբեջանի միջև կնքված խաղաղության պայմանավորվածությունը։
«Մենք հույս ունենք, որ Հայաստանը և Ադրբեջանը մոտ ապագայում վերջապես կստորագրեն խաղաղության համաձայնագիրը՝ դրանով իսկ որակապես նոր մակարդակի բարձրացնելով Հարավային Կովկասում դրական զարգացման դինամիկան և տարածաշրջանի գրավչությունը։ Վրաստանը միանշանակ աջակցում է Հարավային Կովկասում խաղաղությանն ու կայունությանն այս գործընթացում և պատրաստ է շարունակել համապատասխան ներդրում ունենալ»,- նշել է Կավելաշվիլին։
Հույս ունենք, որ Հայաստանը և Ադրբեջանը մոտ ապագայում կստորագրեն խաղաղության համաձայնագիրը. Կավելաշվիլի
