Մոսկվայի բնակելի շենքերից մեկի 9-րդ հարկում զենքի գործադրմամբ խոշոր ծեծկռտուք է տեղի ունեցել:
Ինչպես հայտնել են ռուսական լրատվամիջոցները, տեղի միջադեպի հետևանքով վիրավորվել է 3 մարդ: Նրանցից մեկի վիճակը գնահատվում է ծանր, երկուսը՝ միջին ծանրության են:
Մոսկվայի դատախազության տվյալներով՝ հարձակվողը վիրավորել է երեք ազգականի, ապա ինքնասպան եղել։ Դեպքի հետաքննությունը վերցվել է գերատեսչության վերահսկողության տակ։
Իրավապահ մարմինների տվյալներով՝ մահացածը գրանցված է եղել հոգեբուժական ծառայությունում: