Տրամաբանական կլինի, եթե Հայաստանն ու Ադրբեջանը որպես կարգավորման հարթակ ընտրեն Ռուսաստանի Դաշնությունը. այս մասին, ՏԱՍՍ-ի փոխանցմամբ, հայտարարել է ՌԴ նախագահի մամուլի խոսնակ Դմիտրի Պեսկովը:
Նա նաև հավելել է, որ Ռուսաստանի Դաշնությունը շարունակում է երկխոսությունը Հայաստանի հետ՝ չնայած նրան, որ վարչապետ Նիկոլ Փաշինյանը չի մեկնել Բիշքեկ՝ ԱՊՀ գագաթնաժողովին:
Հիշեցնենք, որ ՌԴ նախագահ Վլադիմիր Պուտինն այսօր Բիշքեկում ԱՊՀ ղեկավարների խորհրդի նիստում հայտարարել էր, որ Մոսկվան պատրաստ է բանակցություններ կազմակերպել Բաքվի և Երևանի միջև՝ խաղաղության ծրագրի հետագա մշակմամբ։
Պուտինը սկզբի համար առաջարկել է ՀՀ և Ադրբեջանի ԱԳ նախարարների մակարդակով հանդիպում անցկացնել Մոսկվայում:
Նրա խոսքով՝ վերջնարդյունքը պետք է խաղաղության համաձայնագիրը լինի: