Մոսկվան Բաքվին և Երևանին համառորեն կոչ է անում զսպվածություն ցուցաբերել, քայլեր ձեռնարկել իրավիճակի դեէսկալացիայի ուղղությամբ և խուսափել ցանկացած գործողությունից, որը կարող է իրավիճակի հետագա վատթարացման բերել. այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով փետրվարի 13-ին Ադրբեջանի ԶՈՒ ստորաբաժանումների կողմից Ներքին Հանդի հատվածում տեղակայված հայկական դիրքերի ուղղությամբ կրակ բացելը, ինչի հետևանքով կա 4 զոհ և 1 վիրավոր։
«Առաջացող բոլոր հարցերը պետք է լուծել բացառապես խաղաղ, քաղաքա-դիվանագիտական միջոցներով: Կատարվածը ևս մեկ անգամ հաստատում է Ադրբեջանի և Հայաստանի՝ 2020-2022 թթ.-ին բարձրագույն մակարդակով ձեռք բերված եռակողմ պայմանավորվածությունների կատարմանը վերադառնալու անհրաժեշտությունը: Վստահ ենք, որ տարածքային վերճերը պետք է լուծել հայ-ադրբեջանական սահմանի սահմանազատման և սահմանագծման հարցերով երկկողմ հանձնաժողովի շրջանակում: Պատրաստ ենք խորհրդատվական աջակցություն տրամադրել այդ գործընթացին»,- նշել է Զախարովան:
