Գյումրիում կայացավ տեղեկատվական եւ հաղորդակցման տեխնոլոգիաների գործատուների միության Շիրակի մարզային կենտրոնի կողմից կազմակերպվող Շիրակի մարզի 2021 թվականի ՏՀՏ ռազմավարության քննարկումը, որի նպատակն է ներկայացնել մարզում առկա հնարավորությունները, նոր կրթական ծրագիրը եւ նախանշել զարգացման հիմնական ուղղությունները: Քննարկմանը ներկա էին մարզային իշխանության եւ ՏՏ ոլորտի ներկայացուցիչներ:Կիբեր անվտանգություն, արհեստական բանականություն, կիբեր էլեկտրոնիկա. սրանք ներկայում զարգացող ու ապագայի մասնագիտություններն են, որոնք ոլորտի ներկայացուցիչները քայլ առ քայլ փորձում են ներդնել դպրոցական համակարգ:
