Ռուսաստանի Կրասնոդարի երկրամասի Եյսկ քաղաքի բնակելի հատվածում Су-34 ռազմական ինքնաթիռ է կործանվել, որի հետևանքով զոհվածների թիվը հասել է 13-ի, այդ թվում՝ երեք երեխա: Այդ մասին հայտնել են ՌԴ ԱԻՆ մամուլի ծառայությունից:
Նախարարության ներկայացուցիչը հայտնել է, որ 19 մարդ վնասվածք է ստացել: Նրա խոսքով՝ փրկարարական գործողության ընթացքում հաջողվել է փրկել 68 մարդու, ավելի քան 360 մարդ տարհանվել է:
