Ռուսաստանը հանդես է գալիս Հարավային Կովկասում տրանսպորտային և տնտեսական կապերի ապաշրջափակման օգտին՝ հայտարարել է ՌԴ վարչապետ Միխայիլ Միշուստինը Հայաստանի վարչապետ Նիկոլ Փաշինյանի հետ հանդիպմանը:
«Մենք ավանդաբար հանդես ենք գալիս Անդրկովկասում տնտեսական և տրանսպորտային կապերի ապաշրջափակման օգտին, կարևոր ենք համարում ապահովել այն պայմանավորվածությունների կատարումը, որոնք ձեռք են բերել Ռուսաստանի, Հայաստանի և Ադրբեջանի ղեկավարները»,- ասել է Ռուսաստանի վարչապետը:
Նրա խոսքով՝ նոր տրանսպորտային երթուղիների, ենթակառուցվածքի ստեղծումը համապատասխանում է տարածաշրջանի բոլոր պետությունների շահերին:
