Չելսին և Մանչեսթեր Սիթին կարող են հեռացվել Անգլիայի Պրեմիեր լիգայից

«Չելսին» և «Մանչեսթեր Սիթին» կարող են հեռացվել Պրեմիեր լիգայից, եթե մեղավոր ճանաչվեն ֆինանսական ֆեյր-փլեյի խախտումներ թույլ տալու մեջ։ Այս մասին հայտնում է The Sun-ը։

Աղբյուրի համաձայն՝ անկախ հանձնաժողովը «Չելսիի» գործի քննությունը կսկսի 2024 թվականի աշնանը։ Ակումբին դեռ մեղադրանք չի առաջադրվել, սակայն անցյալ ամառ բացահայտվել են Ռոման Աբրամովիչի օրոք կատարված ֆինանսական խախտումները, որոնցում գործակալներին վճարումներ էին կատարվում ակումբի կողմից չհաշվառված հաշիվներից:

Ինչ վերաբերում է «Մանչեսթեր Սիթիին», ապա դեռ 2023 թվականի փետրվարին ակումբին մեղադրանք է առաջադրվել ֆինանսական ֆեյր-փլեյի կանոնները խախտելու 115 մեղադրանքով։

Հաշվի առնելով խախտումների մասշտաբները՝ ակումբները կարող են ենթարկվել ամենախիստ պատժամիջոցին արժանանալ՝ Պրեմիեր լիգայից հեռացում, եթե մեղավոր ճանաչվեն:

Հիշեցնենք, որ ավելի վաղ տեղեկություններ կային, որ Պրեմիեր լիգան չորս միավոր է հանելու «Նոթինգհեմ Ֆորեստից» ֆինանսական կանոնների խախտման պատճառով։