Օլիմպիական չեմպիոն Յուրի Վարդանյանի անունը կրող Գյումրու ծանրամարտի մանկապատանեկան մարզադպրոցի սան Հովհաննես Ղահրամանյանը Շիրակի մարզի ծանրամարտի հույսերից մեկն է: 16-ամյա շնորհալի ծանրորդն ամեն օր Անուշավան բնակավայրից հասնում է Գյումրի ծանրաբեռնված մարզումներ անցկացնելու եւ տարվա գլխավոր իրադարձությանը՝ օգոստոսին Ալբանիայում կայանալիք Եվրոպայի պատանեկան առաջնությանը կազմ ու պատրաստ ներկայանալու համար: Հովհաննեսն ունի 1 նպատակ՝ նվաճել ոսկե մեդալ: