ՀՀ-ում մաքսային ոլորտի արդիականացումը շարունակվում է, իսկ դրա կարիքը վաղուց էր զգացվում. նշում են ոլորտի մասնագետները: Մեղրիի անցակետի արդիականացումը պայմանավորված է տարեցտարի՝ անցակետով անձանց և ապրանքներ փոխադրող տրանսպորտային միջոցների հոսքերի աճով, մասնավորապես՝ 2017 թվականի հունիս-հուլիս ամիսներին Մեղրիի անցման կետով սահմանահատած բեռնատարների թիվը կազմել է մոտ 2000, իսկ 2019 թվականի նույն ժամանակահատվածում` մոտ 4150: Նույն ժամանակահատվածում մարդատար ավտոմեքենաների թիվը կազմել է 10850, իսկ 2019 թվականի նշված ամիսներին` 1807: Ուղևորների հոսքը կազմել է 55500, իսկ 2019 թվականին` 124000: Մեղրիի անցակետի արդիականացումը կնպաստի նաև «Հյուսիս-հարավ» տրանսպորտային միջանցքի ակտիվացմանը՝ խթանելով նաև տարանցիկ փոխադրումներին:
Մեղրիի անցակետը՝ նոր շունչ հյուսիս-հարավ մայրուղուն
