Հոկտեմբերի 19-ին, ժամը 03:29-ին Շիրակի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Գյումրի քաղաքի «Սպորտի աշխարհ» խանութում։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է Շահումյան փողոցի թիվ 210/1 հասցեում գտնվող «Սպորտի աշխարհ» խանութում:
Հրդեհը մեկուսացվել է ժամը 03:52-ին, մարվել՝ 04:20-ին: Այրվել է խանութի տաղավարներից մոտ 6 քմ հատված, հագուստ, ջեռուցման կաթսա, հեռուստացույց և կենցաղային իրեր:
