Մոսկվայի «Վնուկովո» օդանավակայանի մաքսատան աշխատակիցները բերման են ենթարկել Թուրքիա թռնող Հայաստանի 32-ամյա քաղաքացուն, որը պարանոցին եղել է երկու կիլոգրամանոց ոսկյա շղթա։
Ինչպես հայտնում է vnk.customs.gov.ru կայքը, տղամարդը «կանաչ» միջանցքով անցնելիս գրավել է մաքսավորների ուշադրությունը՝ նա շատ անհանգստացած է եղել և միևնույն ժամանակ եղանակին ոչ համապատասխան է հագնված եղել։
Բանավոր հարցաքննության ժամանակ ուղևորը տեսուչներին ասել է, որ շղթան 50,000 ռուբլով գնված և ամենօրյա կիրառման համար նախատեսված իր է։
Սակայն մաքսային փորձաքննությամբ պարզվել է, որ շղթան 99,9%-ով պատրաստված է 999 հարգի ոսկուց, իսկ արժեքը 9 մլն ռուբլի է։
Շղթան առգրավվել է: Տղամարդուն սպառնում է մինչև 7 տարի ազատազրկում։
