ՀԱՄԱՍ-ի զինյալ թեւը՝ Իզ էդ-Դին ալ-Քասամ բրիգադները, հայտարարել են Թել Ավիվի վրա հրթիռային հարձակման մասին։
Ինչպես ասվում է խմբավորման Telegram ալիքում հրապարակված հաղորդագրության մեջ, հարվածներն իրականացվել են «ի պատասխան խաղաղ բնակիչների վրա թշնամու հարձակումներին»։
Միևնույն ժամանակ Իսրայելի բանակի մամուլի ծառայությունը հաղորդել է, որ Թել Ավիվում և Երուսաղեմում օդային հարձակման ազդանշաններ են հնչել՝ նախազգուշացնելով հրթիռային հարվածի սպառնալիքի մասին։
«Օդային ռմբակոծման ազդանշանները հնչել են Թել Ավիվ քաղաքում, կենտրոնական Իսրայելում և Երուսաղեմ քաղաքում»,- ասվում է հաղորդագրության մեջ։
