Գյումրու «Հայկական Կարիտասի Փոքրիկ իշխան» կենտրոնը գործում է 2009 թվականից: 2021-ին կենտրոնը սպասարկել է ընդհանուր առմամբ 151 շահառու երեխայի: Առողջ ապրելակերպից մինչեւ լրագրություն, ամենատարբեր սպորտաձեւերից մինչեւ դիզայներություն. կենտրոնում այցելուների զարգացմանը միտված բազմաթիվ խմբակներ ու միջոցառումներ կան, երբեմն նաեւ վերջիններիս ծնողների համար: Նպատակն է՝ մեծացնել հաջողված պատմությունների թիվը ու այցելու երեխաներին լիարժեք օգնել ինտեգրվելու հասարակություն:
