ՀՀ կառավարությունը փոփոխություններ է արել «Կորոնավիրուսային հիվանդությամբ (COVID-19) պայմանավորված կարանտին սահմանելու մասին» 2020 թվականի սեպտեմբերի 11-ին ընդունված N 1514-Ն որոշման մեջ։
Այսպես, կառավարությունը մեղմացրել է օդանավակայաններում գործող խիստ սահմանափակումները։ Այսուհետ թույալտրվում է օդանավակայանում դիմավորողներին մուտք գործել ժամանման սրահ՝ հակահամաճարակային կանոնները խստորեն պահպանելով։
Հայաստան ժամանողների համար ինքնամեկուսացման ժամկետը կրկնակի կրճատվել է։ Հայաստան ժամանողները կորոնավիրուսի առկայության դեպքում 14 օրվա փոխարեն ինքնամեկուսացվելու են 7 օրով, եթե ունեն ամբողջական պատվաստում: 10 օրով կինքնամեկուսացվեն, եթե պատվաստված չեն։
Միաժամանակ 10-օրյա ժամկետը կարող է կրճատվել մինչև 7 օր, եթե վարակված անձն իր նախաձեռնությամբ ՊՇՌ հետազոտություն անցնի, ու արդյունքը լինի բացասական։
Նոր կարգավորումներն ուժի մեջ են մտնում փետրվարի 1-ից:
Որոշման գործողությունը տարածվում է նաև որոշումն ուժի մեջ մտնելու օրվա դրությամբ ինքնամեկուսացման մեջ գտնվող անձանց վրա: