Այսօր «Գյումրի» բժշկական կենտրոնում պատվաստվել են բժշկական կենտրոնի աշխատակիցները, այդ թվում՝ կենտրոնի ենթակայության տակ գտնվող բուժհաստատությունների բժիշկներն ու բուժաշխատողները: Վերջիններս իրենք են ընտրում՝ ինչ պատվաստանյութով պատվաստվել: Աշխատակիցներից ոմանք արդեն պատվաստվել էին, սակայն բժշկական կենտրոնի տնօրեն Արմեն Իսահակյանի խոսքով՝ անհրաժեշտ էր բարձրացնել պատվաստվողների թվի ցուցանիշը: Այս կերպ հնարավոր է խուսափել հիվանդության բարդացումից, պահպանել ինչպես բուժաշխատողների, այնպես էլ այցելուների առողջությունը: Բժշկական կենտրոնի տնօրենը եւս մեկ անգամ կոչ արեց ազգաբնակչությանը պատվաստվել Քովիդ 19-ի դեմ: