Հասարակություն

Թբիլիսի-Երևան մարդատար գնացքով փորձել են մաքսային հսկողությունից թաքցված 45.5 կգ դեղորայք ներկրել

Աննա Կոստանյան 24.02.2026 - 12:11

գրված է Աննա Կոստանյան 24.02.2026 - 12:11 Views: 103
դիտում

ՀՀ պետական եկամուտների կոմիտեն շարունակում է պայքարը ստվերային տնտեսության նվազեցման, հարկերից խուսափելու դեպքերի կանխարգելման և մաքսային իրավախախտումների բացահայտման ուղղությամբ:

ՊԵԿ-ից հայտնում են, որ օրերս Այրում մաքսային անցման կետ ժամանած՝ Թբիլիսի-Երևան մարդատար գնացքի մաքսային հսկողության ժամանակ Պետական սահմանի ցամաքային անցման կետերում մաքսային սպասարկման և հսկողության վարչության թիվ 13 բաժնի աշխատակիցները մաքսային հսկողության ընթացքում պարզել են, որ գնացքում առկա է մաքսային հսկողությունից թաքցված դեղորայք: Ուղևորներից Ա.Տ.-ի մահճակալի տակի թաքստոցից հայտնաբերվել է մաքսային հսկողությունից թաքցված 3 մեծ պայուսակ, որոնց մեջ եղել են 45.5 կգ քաշով տարբեր տեսակի դեղամիջոցներ։

Փաստի առթիվ կազմվել է մաքսային կանոնների խախտման մասին արձանագրություն: Նյութերն ուղարկվել են ՊԵԿ իրավաբանական վարչություն:

նախորդ գրառումը

Որոշ տարածաշրջաններում ձյուն է տեղում․ Մեղրիի լեռնանցքում մառախուղ է

հաջորդ գրառումը

Երկրաշարժ Հայաստանում․ ցնցումները զգացվել են Մասիս քաղաքում, Մխչյան և Դվին գյուղերում

ՆՄԱՆԱՏԻՊ ՀՈԴՎԱԾՆԵՐ