ԵՄ-ն նոր պատժամիջոցներ է պատրաստում ընդդեմ Բելառուսի և ՌԴ-ի

Աննա Կոստանյան 11.02.2021 - 14:40
11.02.2021 - 14:40 դիտում

Եվրամիությունը մշակում է Բելառուսի դեմ պատժամիջոցների 4-րդ փաթեթը և քննարկում այսպես կոչված «Նավալնիի ցուցակը»`ռուս ընդդիմադիր գործիչ Ալեքսեյ Նավալնիի բանտարկությանը ներգրավված անձանց նկատմամբ սահմանափակումների ներդրումը: Այս մասին հայտարարել է Լիտվայի արտգործնախարար Գաբրիելյուս Լանդսբերգիսը, գրում է  korrespondent.net կայքը:

«Պատժամիջոցների 4-րդ փաթեթը (Բելառուսի դեմ) պատժամիջոցների եվրոպական փաթեթ է: Դեռևս հստակ չափորոշիչներ չկան, թե ինչպես է այն կազմվելու, մենք Բալթյան երկրների գործընկերների հետ խոսում ենք պատժամիջոցների ցուցակում այն մարդկանց ընդգրկելու մասին, որոնք չեն կարողանա այցելել Բալթյան երկրներ: Սկզբնական փուլում ես չեմ կարող տեղեկատվություն տրամադրել, քննարկումներ են ընթանում, ապացույցներ են հավաքվում այդ անձանց ցուցակով»,-ասել է Լանդսբերգիսը:

Բացի այդ, նախապատրաստվում է նաև Ռուսաստանի դեմ պատժամիջոցների ընդլայնում: Այսպիսով, ըստ Լանդսբերգիսի, «ավելի հաճախ քննարկվում է այսպես կոչված Նավալնիի ցուցակը. մարդիկ, որոնք կապված են ձերբակալության, կալանքի տակ պահելու, Նավալնիի դատավարության հետ, հնարավոր է նաև պատվիրատուներ»:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ