Ռուսաստանի վարչապետ Միխայիլ Միշուստինը Նուր-Սուլթանում Եվրասիական միջկառավարական խորհրդի նիստում ասել է, որ ԵԱՏՄ երկրները ցանկացած պարագայում շարունակում են միասին լինել և ձգտում են ամրապնդել համագործակցությունը՝ չնայած դրանք պառակտելու արևմտյան երկրների փորձերին՝ գրում է РИА Новости-ն։
«Մենք շարունակում ենք դիտարկել եվրասիական ինտեգրման առաջնահերթ խնդիրները, կայացնել որոշումներ, որոնք անհրաժեշտ են առևտրատնտեսական և հումանիտար կապերի զարգացման, մեր ժողովրդի կյանքի որակի և բարեկեցության բարելավման համար: Ստեղծված իրավիճակում դա շատ կարևոր է»,- ասել է Միշուստինը:
«Այսօրվա հանդիպումը լավագույն հաստատումն է, որ ցանկացած պարագայում մենք միասին ենք և համատեղ ձգտում ենք ամրապնդել համագործակցությունը բոլոր ոլորտներում»,- ընդգծել է ՌԴ վարչապետը:
