Արարատ Միրզոյանն ու Միխայիլ Գալուզինը քննարկել են տարածաշրջանային անվտանգությանն առնչվող հարցեր

Աննա Կոստանյան 26.04.2023 - 12:33
26.04.2023 - 12:33 դիտում

ՌԴ ԱԳ փոխնախարար Միխայիլ Գալուզինը Երևանում առանձնազրույց է ունեցել ՀՀ ԱԳ նախարար Արարատ Միրզոյանի հետ: Այս մասին հայտնում են ՌԴ ԱԳՆ-ից:

Ուշադրության կենտրոնում է եղել երկկողմ հարաբերությունների ու տարածաշրջանային անվտանգության ապահովման խնդիրների շուրջ մտքերի փոխանակումը: Կողմերն ընդգծել են հայ-ռուսական դաշնակցային փոխգործակցության հարցում դրական առաջընթացը:

Ընդգծվել է բարձր և բարձրագույն մակարդակներում երկխոսության առաջանցիկ զարգացումը, ինչպես նաև խորհրդարանական գծով, միջտարածաշրջանային շփումների ու մշակութային կապերի ուղղություններով համապատասխան գերատեսչությունների միջև համագործակցության խորացումը: Ընդգծվել է ՀՀ և ՌԴ առևտրատնտեսական հարաբերություններում ռեկորդային դինամիկան:

Կողմերը գոհունակություն են հայտնել միջազգային կազմակերպություններում ՀՀ և ՌԴ միջև համակարգվածության աստիճանի հետ կապված: Պայմանավորվածություն է ձեռք բերել շփումները շարունակելու մասին:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ