Ավստրալիայի Ներկայացուցիչների պալատը կառավարությանը կոչ է արել ճանաչել Հայոց ցեղասպանությունը

Ավստրալիայի Ներկայացուցիչների պալատը միաձայն հավանություն է տվել պատգամավոր Թրենթ Զիմերմանի առաջ քաշած բանաձևին, որն Ավստրալիայի դաշնային կառավարությանը կոչ է անում հավատարիմ մնալ 1948 թվականի Ցեղասպանության հանցագործության կանխարգելման և դատապարտման մասին կոնվենցիային ու ճանաչել 1915-1922 թվականներին Օսմանյան կայսրությունում հայերի, ասորիների և հույների դեմ իրականացված ցեղասպանությունը։ Այս մասին հայտնում է Ավստրալիայի Հայ դատի գրասենյակը։