Վերջին օրերի ընթացքում թափառող շների հարձակման հերթական դեպք է գրանցվել․ այս անգամ «Այսօր» լրատվականին ահազանգում է Ասպրամ Գրիգորյանը։ Գյումրու Անի թաղամասում շների հարձակումից տուժել է վերջինիս 74 –ամյա տատը՝ Ցողիկ Գրիգորյանը։
«Թափառող ու վտանգավոր շների հարձակման զոհ ա դառել 74-ամյա տատիկս, ով փողոցում զբոսնելիս է եղել։ Ունի ակնափոսի կոտրվածք ու խորը բաց վերքեր»,- «Այսօր» լրատվականի հետ զրույցում նշեց թոռնուհին։ Ցողիկ Գրիգորյանը այս պահին Գյումրու ԲԿ-ում է, վերքերը եթե բորբոքվեն վիրահատության կարիք կառաջանա։
Թոռնուհին հավելում է, որ սա արդեն շների հարձակման 3-րդ դեպքն է։
Աստղիկ Խաչատրյան
