Ադրբեջանն ականազերծման գործընթացում ներգրավել է առնետների, որոնք արդեն համապատասխան տարածքներում են։
Ինչպես հաղորդում է ԱՊԱ-ն, այս մասին լրագրողներին ասել է Ադրբեջանի ականազերծման գործակալության խորհրդի նախագահ Վուգար Սուլեյմանովը։
Վերջինս մանրամասնել է, որ կրծողներն օգտագործվում են օկուպացված Արցախի Հանրապետության Ակնայի շրջանում ականների որոնման համար:
«Եթե առնետներին համեմատենք ական հայտնաբերող շների հետ, ապա նրանք առավելություններ ունեն: Նրանց, ի տարբերություն շների, ավելի քիչ ժամանակ է պետք ականներ գտնելու համար, և այս աշխատանքն արդյունավետ է», – ասել է ադրբեջանցի պաշտոնյան:
