Արցախի՝ այսօր մոլորված քաղաքացուն ադրբեջանցիները սպանել են: Այս մասին հաղորդում է Արցախի ազգային անվտանգության ծառայությունը:
Ըստ հաղորդագրության՝ ժամը 13:00-ի սահմաններում Ադրբեջանի զինվորականները չեզոք գոտուց Սեյրան Սարգսյանին տեղափոխել էին իրենց վերահսկողության տարածք: Հայկական կողմում տեղադրված տեսախցիկներն արձանագրել են դեպքի հանգամանքներն ու արբեջանցիների հանցավոր գործողությունները։
1956 թվականին ծնված Սարգսյանը Մարտունու շրջանի Ճարտար քաղաքից էր և չեզոք գոտում էր հայտնվել անասուններին արածեցնելիս: Դեպքի մասին հաղորդվել էր ռուս խաղաղապահներին:
Բանակցություններ էին ընթանում հովվին հայկական կողմին վերադարձնելու համար: Ավելի ուշ, սակայն, հայտնի դարձավ, որ ադրբեջանցիները սպանել են 65-ամյա տղամարդուն: Արցախի Հանրապետության իրավապահ մարմինների կողմից դեպքի կապակցությամբ ձեռնարկվում են քրեադատավարական միջոցառումներ:
Ադրբեջանի զինվորականները բռնություն են գործադրել ու սպանել Արցախի Հանրապետության քաղաքացուն
Ադրբեջանի զինվորականները բռնություն են գործադրել ու սպանել Արցախի Հանրապետության քաղաքացուն
Այսօր ժամը 13։00-ի սահմաններում Ադրբեջանի զինվորականները մուտք են գործել ԱՀ Մարտունու շրջանի Ճարտար քաղաքի վարչական տարածքի հարևանությամբ տեղակայված չեզոք գոտի և բռնություն գործադրել նույն քաղաքի բնակիչ, ԱՀ քաղաքացի, անասնապահությամբ զբաղվող, 1956թ. ծնված Սեյրան Սարգսյանի նկատմամբ, որից հետո նրան տեղափոխել են ադրբեջանական հենակետ, որտեղ Ս. Սարգսյանին դիտավորությամբ ապօրինաբար կյանքից զրկել են։
Արցախյան կողմում տեղադրված տեսախցիկներն արձանագրել են դեպքի հանգամանքներն ու արբեջանցիների հանցավոր գործողությունները։
ԱՀ իրավապահ մարմինների կողմից դեպքի կապակցությամբ ձեռնարկվում են քրեադատավարական միջոցառումներ։
http://www.nssartsakh.am/hy/news/adrbejani-zinvorakanner-brnutyun-en-gorcadrel-u-spanel-arcaxi-hanrapetutyan-kagakacun
Опубликовано Արցախի Հանրապետության Ազգային Անվտանգության Ծառայություն Пятница, 3 декабря 2021 г.
