Գյումրի համայնքի ավագանու անդամ Արման Բաղդասարյանը ֆեյսբուքյան իր էջի մրջոցով ահազանգում է այն մասին, որ փողոցաշինական աշխատանքներն ընթանում են նորմերին ոչ համապատասխան: Գրառումը ներկայացնում ենք ստորև.
«Հերթական ջրային փոսալցումները. լավ ինչքա՞ն կարելի է, Ղանդիլյան փողոցում վնասված խողովակաշարի պատճառով փողոցի մի հատվածով ջուր է հոսում, չեմ կարող ասել` բնակիչները ահազանգե՞լ էին, թե՞ ոչ, բայց փաստացի վթարը ուսումնասիրող կամ վերականգնողական աշխատանքներ կատարող մարդ չտեսա, դրան զուգահեռ` փողոցում կատարվում էին փոսալցման աշխատանքներ և իմ աչքի առաջ ջրով մասնակի լի փոսի մեջ լցրին ասֆալտը, ճշտող հարցին ի պտասախան` փորձեցին արդարանալ, բայց ես իմ աչքի տեսածին եմ հավատում, փորձեցի հասկանալ, թե ի՞նչ կազմակերպություն է անում և ո՞ր կազմակերպության աշախտողներ են, ասացին, որ քաղաքապետարանի(բնակամաբար, համայնքապետարանը նման գործառույթ չի իրականացնում) չասացին, թե ով է իրենց վերադասը, բայց ինձ հորդորեցին դիմել քաղաքապետարան 😅
Երբ հասկացան, որ այդքան հեշտ ինձնից չեն պրծնի` սկսեցին հետաքրքրվել, թե ո՞վ եմ ես, արդյո՞ք թաղի բնակիչ եմ, երբ ասացի` չէ, զարմացան, թե բա ինչի՞դ է պետք, օրինակ բերեցի, ասելով, որ եթե ձեր թաղում նման բան լիներ` դուք կշարունակեի՞ք գործը, թե՞ հետամուտ կլինեիք, որ նախ վերացվի ջրի արտահոսքը ի պատասխան` «ախպեր եթե մեր մայլեն էղներ, սաղ պառյադկի կկազմակերպեի». հարգելի համաքաղաքացիներ ջան, վերջապես դուրս եկեք այդ «քուչի, մայլի, շենքի, պադեզդի տղա» հոգեբանությունից, հասկացեք, որ քաղաքի տերն էլ եք դուք, երկրի տերն էլ դուք և սրտացավ մոտեցեք էս երկրի ամեն մի սանտիմետրին»,- գրել է նա:
Հերթական ջրային փոսալցումները. ահազանգում է Գյումրու ավագանու անդամ Արման Բաղդասարյանը
նախորդ գրառումը