Հավատարիմ մնալով խոստմանը՝ Գյումրու Նասիբյան կլինիկան շարունակում է ընդլայնել իր ծառայությունների շրջանակը: Կլինիկայում ներդրված նորագույն տեխնոլոգիաները թույլ են տալիս հենց տեղում իրականացնել այնպիսի միջամտություններ, որոնց համար նախկինում բուժառուները ստիպված էին մեկնել մայրաքաղաք։ Վերջին ձեռքբերումը՝ գերժամանակակից ռենտգեն սարքն է, որը ոչ միայն բարձրացնում է ախտորոշման որակը, այլև բացում է նոր բուժական հնարավորություններ։