20-րդ դարի մեծագույն բանաստեղծ Եղիշե Չարենցը ստեղծել է գրական վիթխարի ժառանգություն, որն ամեն մի եկող սերնդի հաղորդակից է դարձնում ճշմարիտ գրականության արժեքին: Մեծն պոետի ծննդյան 125-ամյակի շրջանակներում Շիրակի մարզային գրադարանում կայացավ «Չարենցը և Գյումրին» խորագրով գիտաժողովի բացումը: Գիտաժողովի նախաձեռնությունը Հայաստանի գիտությունների ազգային ակադեմիայի Շիրակի հայագիտական հետազոտությունների կենտրոնինն էր՝ գրադարանի տնօրինության հետ համատեղ:
Չարենցի կյանքի եւ գործունեության, խոհական մտքերի մասին էին խոսում հայտնի գրականագետներ, մտավորականներ եւ ընդհանրապես գիտաժողովին ներկա բոլոր հյուրերը, ավելին՝ գիտաժողովին հեռահար միացել էին նաեւ ամերիկաբնակ մտավորականները: