Երևան քաղաքի խցանումները մենք ենք ստեղծում՝ պարզագույն կանոնի պահանջը չկատարելու միջոցով: Այս մասին ֆեյսբուքյան իր էջում գրել է «Քաղաքացիական պայմանագիր» խմբակցության պատգամավոր Արմեն Խաչատրյանը՝ նշելով, որ Ոստիկանությունը պետք է վարչական ներգործության միջոցներ ձեռնարկի։
ՆԳ նախարարի մամուլի քարտուղար Նարեկ Սարգսյանի խոսքով՝ խախտումը, ի թիվս այլնի, կարող է լինել խցանման պատճառ, բայց դա չի կարող դիտարկվել որպես հիմնական պատճառ։
Ըստ խոսնակի՝ ՆԳՆ-ն Երևանի քաղաքապետարանի հետ բազմաթիվ վերլուծություններ է արել։
Ճանապարհային երթևեկության այդ խախտման վերաբերյալ Նարեկ Սարգսյանը նշել է, որ ՆԳՆ-ն ամիսներ շարունակ իրազեկում է քաղաքացիներին Ճանապարհային երթևեկության կանոնների 88-րդ կետի պահանջը կատարելու վերաբերյալ, և Ոստիկանությունն այս խախտման մասով արդեն ունի կայացրած բազմաթիվ որոշումներ։