Թուրքիայում մոլեգնող անտառային հրդեհները մոտենում են զբոսաշրջային հատվածներին Անթալիա և Մուղլա նահանգներում։ Իշխանությունները սկսել են մարդկանց տարհանումը, տներից արդեն մի քանի հարյուր մարդ է հեռացել։
Գրանցվել է հրդեհի 90 օջախ։ Անթալիայում փակվել է տարածաշրջանի առանցքային ճանապարհը։ Մուղլա նահանգում իրավիճակն ավելի բարդ է. այնտեղ հինգ խոշոր հրդեհ է գրանցվել: Դրանք հանգցնելու համար գրեթե ամենուր գործարկվել է ավիացիան՝ ավելի քան 100 ուղղաթիռ և գրեթե 30 ինքնաթիռ: Աշխատանքներում ներգրավված է ավելի քան երեք հազար մարդ։
Աղետի պատճառ է դարձել սաստիկ տապը։ Այս օրերին ջերմաստիճանը հասնում է 52 աստիճանի։