Խոշոր երկաթուղային վթար ՌԴ Վոլգոգրադի մարզում

Աստղիկ Խաչատրյան 29.07.2024 - 19:37
29.07.2024 - 19:37 դիտում

Ռուսաստանի Վոլգոգրադի մարզում Կազան-Ադլեր մարդատար գնացքը դուրս է եկել ռելսերից: Աղետի պատճառը բախումն է «ԿամԱԶ» բեռնատարի հետ, որի վարորդը կոպտորեն խախտել է կանոնները և փորձել է երկաթգծերն անցնել կարմիր լույսի տակ: Գնացքի վեց վագոն կողաշրջվել է, ևս երեքը՝ թեքվել, հայտնում են ռուսական լրատվամիջոցները:

Ըստ վերջին տեղեկությունների զոհվել է երկու ուղեկցորդուհի, վթարի պահին գնացքում եղել է 813 ուղևոր, մոտ 140 մարդ ստացել է քերծվածքներ և կապտուկներ, տուժածներից 30-ը երեխա են: Վոլգոգրադի մարզի վարչակազմը հայտնում է 20 քաղաքացու հոսպիտալացման մասին, այդ թվում՝ 7 երեխա, գնացքը երեխաների կենտրոնացված խմբեր է տեղափոխել Կրասնոդարի երկրամասի ճամբարներ։ Փրկարարական աշխատանքները շարունակվում են, չի բացառվում, որ շրջված վագոնների տակ մարդիկ լինեն:

«Ռուսական երկաթուղիներ» ընկերությունը հայտնել է, որ վարորդի համար գնացքի տեսանելիությունը մեկ կիլոմետրից ավելի է եղել։ Գնացքավարը վթարային արգելակում է կիրառել, սակայն կարճ տարածության պատճառով չի հաջողվել խուսափել բախումից։ Գնացքի արագությունը կազմել է 65 կմ/ժ:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ