Քենիայի Մոմբասա քաղաքի դատարանը հոկտեմբերի 19-ին քրիստոնյա քարոզիչ Փոլ Մաքենզիին (Paul Mackenzie) և նրա 28 հանցակիցներին մեղավոր է ճանաչել 190 երեխայի և մեկ չափահասի սպանության մեջ։ Գործով վերջնական դատավճռի հրապարակումն սպասվում է նոյեմբերի 6-ին։
«Շակահոլայի անտառի սպանդը». Ինչպես են նրանք գործել
2003 թվականին Մաքենզին հիմնադրել էր «Բարի լուրի միջազգային եկեղեցի» (Good News International Church) կրոնական կազմակերպությունը։ Նա իր հետևորդներին դրդում էր սովամահ լինել՝ «Հիսուսին հանդիպելու» պատրվակով։ Կրոնական կազմակերպության կենտրոն էր դարձել Հնդկական օվկիանոսի ափամերձ Մալինդի հանգստավայրի մոտ գտնվող Շակահոլա անտառում քարոզչին պատկանող հսկայական հողատարածքը։
Այնտեղ Մաքենզին կազմակերպել էր ծայրահեղ սովամահության հատուկ համակարգ՝ հայտարարելով «մահվան կառուցվածքային աստիճանակարգի» (հիերարխիայի) մասին.
-
Առաջինը պետք է սովից մահանային երեխաները,
-
Այնուհետև՝ դեռահասները,
-
Հետո՝ կանայք,
-
Եվ միայն ամենաօրում՝ տղամարդիկ։
Որոշ դեպքերում երեխաներին զրկում էին սննդից հենց կրոնական կազմակերպության մեջ հայտնված ծնողների աչքի առաջ։
Զոհերի թիվը և դատաբժշկական փորձաքննությունը
Քարոզիչը ձերբակալվել էր 2023 թվականի ապրիլին՝ իրավապաշտպանների ահազանգերից հետո։ Քենիական ԶԼՄ-ներն այս գործն անվանել են «սպանդ Շակահոլայի անտառում»։
-
Զանգվածային եղբայրական գերեզմաններ. Չնայած որոշ հետևորդների հաջողվել էր փրկել, անտառի տարածքում հայտնաբերվել էին բազմաթիվ զանգվածային թաղումներ։
-
Մահվան պատճառները. Դիահերձումները ցույց են տվել, որ երեխաները հիմնականում մահացել են սովից, սակայն առկա են եղել նաև շնչահեղձության (ասֆիքսիա), պարանոցի սեղմման և գլխուղեղի վնասվածքների (գանգուղեղային տրավմաների) հետքեր։
Կրոնական կազմակերպութան գործունեության հետևանքով զոհվածների ընդհանուր թիվը, ըստ իրավապահների, կարող է գերազանցել 400-ը։