Գյումրիում սուբվենցիոն ծրագրի շրջանակներում 2022թ.-ին հիմնանորոգվելու են քաղաքի 21 փողոց եւ փողոցի հատված: Ցանկում ընդգրկված են նաեւ Անի թաղամասի 3-րդ փողոցը՝ 9076 ք/մ եւ 11-րդ փողոցը՝ 9657 ք/մ, որոնց շինաշխատանքները մեկնարկել են: Բնակիչների խոսքով՝ իրենք երկար են սպասել ասֆալտապատ փողոց ունենալուն, անձրեւներին փողոցը անանցանելի է դարձել ցեխերի պատճառով, շոգ եղանակին էլ փոշին է խնդիր դառնում:
