ՀՀ վարչապետը շնորհակալություն է հայտնել ՌԴ վարչապետին և վրացի գործընկերներին՝ Վերին Լարսի անցակետում լրացուցիչ ուղիներ բացելու հարցում ցուցաբերած աջակցության համար։
«Դա նշանակալից իրադարձություն է մեր հարաբերություններում, դուք գիտեք, թե այնտեղ սովորաբար ինչ հերթեր էին գոյանում»,- ասել է Փաշինյանը։
Փաշինյանը հայ-ռուսական հարաբերությունները որակել է շատ ամուր և վստահություն հայտնել, որ երկկողմ համագործակցությունը կշարունակի արդյունավետ լինել։
Նա հույս է հայտնել, որ գործընկերոջ հետ կառուցողական քննարկում կանցկացնի երկկողմ հարաբերությունների օրակարգային հարցերի շուրջ։
Հիշեցնենք, որ Հայաստանի և Ռուսաստանի արտաքին առևտրաշրջանառությունը 2023 թվականի առաջին կիսամյակում կազմել է 3 մլրդ դոլար, ինչը 34,6%-ով գերազանցում է 2022 թվականի նույն ժամանակահատվածի ցուցանիշը։